Аз таҳти дил бихандед!

Ҳамдардии дӯст

– Дӯсти азизам, ман ба шумо ҳамдардӣ баён мекунам!

– Чӣ воқеа шуд?

– Дирӯз зани ман пӯстини гаронқимат харид.

– Ин ба ман чӣ дахл дорад?

– Гап сари он, ки пагоҳ зани ман зани шуморо хабаргирӣ меравад.

Барои баҳо

Духтар:

– Муаллим, ман барои шумо ҳар кореро хоҳед, мекунам. Фақат баҳоямро монед.

Муаллим:

– Шумо дар ҳақиқат барои баҳо ба ҳама кор тайёред?

– Ҳа!

– Ба ҳама кор-а?

– Ҳа! Ҳа, охир!

– Ин хел бошад, рафта ба имтиҳон тайёрӣ дида, баъд биёед!

Хуррок

Зан ба шавҳараш гуфт:

– Ҳар шаб хуррок кашида, хобамро мепаронед.

– Ин гапат дурӯғ,- гуфт мард,- он рӯз ҳамин хел гуфтӣ, хоби шабамро ҳаром карда, то рӯз гӯш додам, садое набаромад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube