Бингар, ки кӣ мегӯяд…

Сулаймон ДАВЛАТЗОДА, раиси Кумитаи дини Тоҷикистон

— Дар бархе кишварҳо шартномаи миёни зану шавҳар ҳатмӣ аст… Табиати инсон ҳамин аст, агар аз виҷдон натарсад, аз қонун бояд тарсад. Аз ин хотир, як барномаи ҳамаҷониба бояд таҳия шавад.

— Ҳаҳаҳаҳ, парадокси олӣ: агар аз виҷдон натарсад, аз қонун бояд тарсад… Пас, мавқеи виҷдон дар сатҳи хеле паст қарор доштааст…

Ғазалшоҳ САФАРЗОДА, сардори Раёсати маорифи вилояти Хатлон

— Барои ба кор қабул кардани 600 омӯзгор муроҷиат шудааст. Аксари онҳо омӯзгороне ҳастанд, ки тарки соҳа кардаву ба муҳоҷират рафта буданд.

— Беҳтарин хабари хушҳолкунанда! Урра! Аммо, рафиқ сардор, хеле ҷолиб аст донем, ки барои аз кор рафтани чанд омӯзгор ба шумо муроҷиат шуда бошад?

Муҳаммадсаид ЗУВАЙДЗОДА, раиси Кумитаи меъморӣ ва сохтмон

— Нархи хонаҳои мо дар муқоиса бо дигар давлатҳо пасттарин аст ва кумита низ ҳаракат намуда истодааст, ки ҳангоми таҳияи лоиҳаҳо ба инобат гирифта шавад, то ба мардум дастрас бошад.

— Ҳммм, арзиши миёнаи 1 метри мураббаъ хона 4 ҳазору 170 сомонӣ! Арзонак! Як аз вазири меҳнат пурсед ку, ҷаноби раис, маоши миёнаи мо дар муқоиса бо дигар давлатҳо чӣ хел бошад?

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.