Бингар, ки кӣ мегӯяд…

Мирзоҳусайн БАДАЛИПУР, устоди Донишгоҳи миллии Тоҷикистон

— Ҳадафи офариниши инсон ҳикмати хос дорад. Ҳар яки моро Офаридгор халқ кард, то ки корҳоеро анҷом бидиҳем. Яъне нафаре муаллим бошад, дигаре муҳандис, саввумӣ табибу чаҳорумӣ усто.

— Боз нафарони дузду ғару ғоратгар, қаллобу ҷаллоб ҳам кам нестанд. Оё ин тоифа ҳам дар доираи ҳадафи офариниши инсон ягон ҳикмати хос доранд?  

Дилором ТОАТОВА, омӯзгори тоҷики муқими Русия

— Бо чанд нафар падару модарони тоҷики муқими шаҳри Калуга маслиҳат намудаву ният дорем, ки барои мустаҳкам намудани хештаншиносии фарзандонамон маҳфили омӯзишии “Забон ва адабиёти тоҷик”-ро роҳандозӣ кунем.

— Як бало карда, маҳфили омӯзишии “Забони русӣ”-ро ҳам роҳандозӣ намоед, барои Вазорати маориф ва илми мо дастгирии хубе мешавад.

ШОН MC, рэпсарои маъруфи тоҷик

— Журналистонеро мебинам, ки дар гузашта рэпсароҳоро бад мегуфтанд, аммо имрӯз худашон дар “Ютуб” саҳифа кушодаву аз онҳо ёрӣ мехоҳанд. Яъне, барои манфиати шахсӣ аз мавқеашон даст кашиданд.

— Аз тарзи сухан гуфтанатон маълум, ки онҳоро аз наздик мешиносед. Лутф карда, ду-се нафарашро номбар намекунед, то мо ҳам донему дар шинохташон дарнамонем?

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.