Бингар, ки кӣ мегӯяд…
Адаш ИСТАД, нависандаи тоҷики муқими Самарқанд
— Дар мо ақидаи ғалате ҳаст, ки забони адабӣ танҳо хоси театр, донишгоҳу мактаб ва баъзе шоиру нависандаҳост. То халқ ба забони адабӣ суҳбат накунад, миллат пайдо намешавад.
— Аз ин нуқтаи назар, барои миллатсозӣ қабл аз ҳама пеши роҳи “ҳарчихонӣ”-и лашкари анбуҳи сарояндаҳоямонро гирифтан лозим аст!
Зиёвиддини НУРЗОД, сарояндаи шинохтаи тоҷик
— Ҳамроҳи мутрибон омодагӣ гирифта будем ва пеш аз сафар ба Панҷакент аз манъи баргузории консертамон огоҳ шудем. Ман танҳо даъватӣ будам ва корҳои ташкилӣ ба дӯши дигарон буд.
— Хуб шудааст, ки даъватӣ будаед, он қадар алам намекунад. Вале, дар асл, гуфти масъулини Панҷакент, шарт аст рафтану “ба корҳои саҳроӣ халал расонидан”?
Игор АБАКУМОВ, номзади илмҳои иқтисодӣ
— Мо бояд барои маҳсулоти тоҷикӣ тамғаҳои ҷолибе пайдо кунем. Ҳоло онҳо вуҷуд надоранд. Барои истеҳсолкунандагони Тоҷикистон як майдони бузурги фаъолият вуҷуд дорад, ки ин корро карда метавонанд.
— Эҳа, мо барои интиқоли маҳсулотамон аз як нуқта ба нуқтаи дигари кишвар душворӣ мекашему шумо дар бораи тамғаҳои ҷолиб гап мезанед!
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ