Бонувони тоҷик доварони Ҷоми Осиё-2024

Ду бонуи тоҷик Нодира Мирзоева ва Дилшода Раҳмонова дар бозиҳои марҳилаи интихобии Ҷоми Осиё-2024 байни духтарони то 17-сола ва 20-соларо ҳакамӣ карданд.

Онҳо дар даври аввали интихобии Ҷоми Осиё-2024 байни духтарони то 20-сола дар гурӯҳи «D», ки аз 8-ум то 12-уми март дар пойтахти Урдун — шаҳри Аммон баргузор шуд, доварӣ карданд. Футболбозони ин гуруҳ дастаҳои дастаҳои Лубнон, Урдун, Муғулистон ва Бутан буданд.

Бону-доварони тоҷик ба рӯйхати доварони элитаи Конфедератсияи футболи Осиё шомиланд.

Нодира Мирзоева ва Дилшода Раҳмонова барои ҳакамии бозиҳои минбаъдаи Ҷоми Осиё-2024 ба Сингапур мераванд ва мусобиқаи байни духтарони то 17-сола дар гурӯҳи «D», ки аз 26 то 30-уми апрел баргузор мегарданд, доварӣ мекунанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube