Бунёди корхонаи истеҳсоли тамоку дар Минтақаи озоди иқтисодии «Данғара»
Дар Минтақаи озоди иқтисодии (МОИ) «Данғара» корхонаи истеҳсоли тамоку сохта мешавад. Дар ин иртибот байни Ҳукумати Ҷумҳурии Тоҷикистон ва ширкати «Оксус ИнтерАзия FZCO» оид ба сохтмон ва ба истифода додани корхонаи истеҳсоли тамоку созишномаи сармоягузорӣ ба имзо расидааст.
Бино ба иттилои Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Ҷамъияти дорои масъулияти маҳдуди «Оксус ИнтерАзия FZCO» тасмим гирифтааст, ки бо ҷалби сармоягузории хориҷии ширкати «Interasia FZCO» дар ҳаҷми 20,0 миллион доллари амрикоӣ корхонаи истеҳсоли тамокуро дар МОИ «Данғара» бо фарогирии 78 ҷойи кории нав сохта ба истифода диҳад.
— Ин иқдом дар татбиқи «Барномаи саноатикунонии босуръати Ҷумҳурии Тоҷикистон барои солҳои 2020-2025» ва амалӣ намудани яке аз чор ҳадафи стратегии Ҳукумати Ҷумҳурии Тоҷикистон — саноатикунонии мамлакат мусоидат менамояд,- меафзояд манбаъ.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ