Чемпионати ҷаҳон боз дар Сербия баргузор мешавад

Чемпионати ҷаҳонии куштӣ соли дуюм пайиҳам дар Белгради Сербия баргузор хоҳад шуд.

Иттиҳоди ҷаҳонии куштӣ (UWW) зимни як ҷаласа Белградро мизбони Чемпионати ҷаҳон эълон кард. Озарбойҷон ва Туркия низ ба мизбонии ин чорабинии сатҳи баланд ҳавасмандии худро баён дошта буданд. UWW ҳамкориро бо федератсияҳои миллии ин кишварҳо барои чорабиниҳои оянда идома медиҳад.

Белград, ки Чемпионати ҷаҳонии куштӣ-2022-ро бомуваффақият гузаронд, дар оғози моҳи сентябри соли 2023 дубора мизбони ин мусобиқот хоҳад шуд.

Санаи баргузории мусобиқа шояд аз 16-уми сентябр ба 24-уми сентябр иваз карда мешавад, зеро он бо Бозиҳои Осиё, ки қарор аст 23-юми сентябр дар Ҳангжоуи Чин оғоз шавад, рост меояд.

Қарор буд Чемпионати ҷаҳонии куштӣ-2023 дар Красноярски Русия баргузор шавад, аммо азбаски Кумитаи байналмилалии олимпӣ тавсия дод, ки чорабиниҳои варзишӣ дар Русия ва Белорус баргузор нашаванд, аз мизбонии чорабинӣ маҳрум шуд.

Паҳлавонон дар Чемпионати ҷаҳон дар Белград барои дарёфти 90 роҳхат ба Олимпиадаи Париж-2024 имкон пайдо мекунанд. Ҳар кишваре, ки дар чемпионати қоравии соли 2023 ширкат кардааст, ҳақ дорад дар чемпионати ҷаҳон иштирок кунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube