Дар Тоҷикистон Чемпионати АФОМ миёни 20-солаҳо идома дорад

Мавсими чоруми Чемпионати Ассотсиатсияи футболи Осиёи Марказӣ (АФОМ-CAFA) байни дастаҳои ҷавонони то 20-сола дар шаҳрҳои Душанбе ва Турсунзода оғоз шуд.

Дар даври аввал дар варзишгоҳи «ТАЛКО-Арена»-и шаҳри Турсунзода дастаи мунтахаби Ўзбекистон бо ҳисоби 3:2 тими Эронро шикаст дод.

Дар вохўрии дигар дар варзишгоҳи КМВА-и пойтахт футболбозони афғон бар тими миллии Туркманистон пирўз (2:1) шуданд.

Дастаи наврасони Тоҷикистон (U-17) таҳти роҳбарии Раҳматулло Фузайлов дар нахустин бозии худ дар ин мусобиқа бо тими Афғонистон мусовӣ — 1:1 кард. Ҳисобро дар дақиқаи 28-ум ҳамлагари дастаи мо Масрур Ғафуров кушод. Дар оғози қисми дуюм Амин Ҳамаюн таносубро барқарор кард.

Дар вохўрии дигар дастаи ҷавонони Ўзбекистон бар тими Туркманистон ғалаба (9:2) кард. Аз ҳайати мунтахаби Ўзбекистон Абдуғафур Ҳайдаров пента-трикро ба номаш сабт кард. Бозиҳои даври сеюм дирўз баргузор шуданд. Дастаи наврасони Тоҷикистон (U-17) дар варзишгоҳи «ТАЛКО-Арена»-и шаҳри Турсунзода бо тими миллии ҷавонони Туркманистон бозӣ кард. Дар баробари ин, дар варзишгоҳи КМВА-и Душанбе дастаҳои Эрон ва Афғонистон бозӣ карданд, ки аз натиҷаи ин бозиҳо дар шумораҳои оянда маълумот хоҳем дод.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube