Дастгиршавии модари кӯдакфурӯш

Ба зидди як зани 35-солаи сокини ноҳияи Дӯстӣ бо иттиҳоми бо нархи 6 ҳазор сомонӣ фурӯхтани тифли навзодаш парвандаи ҷиноятӣ кушодаанд. Дар 4 моҳи охир ин алакай сеюмин мавриди боздошти занон дар Тоҷикистон бо иттиҳоми кӯдакфурӯшист.

Вазорати корҳои дохилии Тоҷикистон хабар дод, ки як зани 35-солаи сокини ноҳияи Дӯстӣ (Қумсангири собиқ)-и вилояти Хатлон ба кӯдакфурӯшӣ айбдор мешавад. Бино ба ин манбаъ, ин зан рӯзи 31 март дар таваллудхонаи ноҳияи Дӯстӣ духтар таваллуд карда, «ба ӯ ном гузошта, ҳамчунин шаҳодатнома дар бораи таваллуд гирифтааст. Сипас, бо маслиҳати марди 34-сола ва зани 41-солаи сокинони ноҳияи Дӯстӣ кӯдаки навзодашро ба марди 27-солаи сокини ноҳия ба маблағи 6 ҳазор сомонӣ фурӯхтааст.

Ба зидди ин зан парвандаи ҷиноятӣ кушодаанд ва тафтиш идома дорад.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *