Донишҷӯи тоҷик мехост осон ба Олмон биравад аммо…
Бино ба иттилои Хадамоти марзбонии Белорус як донишҷӯйи 23-солаи тоҷик бо иттиҳоми убури ғайриқонунии марз дастгир шудааст.Ин шаҳрванди Тоҷикистон, ки дар Донишгоҳи дӯстии халқои Русия таҳсил мекардааст, 13 май дар роҳи Волковск ба Берестов дастгир шудааст. Ӯ қасд дошта ба Лаҳистон бигузарад. Манбаъ гуфтааст, боздоштшуда худро шаҳрванди Тоҷикистон муаррифӣ кардааст. Ӯ аснои бозпурсӣ гуфтааст, тавассути убури марзи Белоруссия ва Лаҳистон мехост барои беҳтар намудани сатҳи зиндагиаш ба Олмон биравад: “Бо худ либос, смартфон, корти бонкӣ ва ҳамчунин билети донишҷӯйии Донишгоҳи дӯстии халқҳои Русияро дошт, ки муҳлати он то моҳи июни 2018 аст”.
Хадамоти марзбонии Белорус мегӯяд, дастгиршуда дар боздоштгоҳи муваққатӣ қарор дошта, нисбати ӯ бо моддаҳои 23.29 (убури ғайриқонунии марз), 23.30 (нақзи қоидаҳои марзӣ) ва 23.55 (нақзи қавонини будубош) парванда оғоз шудааст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ