Футзалбозон ба финали Ҷоми Осиё-2022 омода мешаванд (аудио)

Дастаи мунтахаби футзали Тоҷикистон дар доираи омодагӣ ба марҳилаи ниҳоии Ҷоми Осиё-2022 таҳти роҳбарии сармураббӣ Пайрав Воҳидов дар шаҳри Гулистон ҷамъомади таълимию тамриниро оғоз кард.

Барои ин ҷамъомади таълимиву тамринӣ, ки то 15-уми сентябр идома хоҳад кард, сармураббии тими футзали кишвар Пайрав Воҳидов 14 бозигар — 2 дарвозабон ва 12 футзалбозро даъват кардааст.

Дастаи мунтахаби футзали Тоҷикистон пас аз анҷоми ҷамъомади таълимиву тамринӣ дар Гулистон ба Дубай рафта, ҷамъомади ниҳоии тамриниро қабл аз Ҷоми Осиё-2022 дар Кувайт баргузор мекунад. Дар марҳилаи ниҳоии Ҷоми Осиё-2022, ки аз 27-уми сентябр то 8-уми октябр дар Кувайт баргузор мешавад, дастаи мунтахаби Тоҷикистон дар гуруҳи «В» бо дастаҳои Баҳрайн (27-уми сентябр), Ўзбекистон (29-уми сентябр) ва Туркманистон (1-уми октябр) бозӣ мекунад.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.