Ифтитоҳи корхонаи истеҳсоли хишт дар Ҷайҳун
Қоҳир Расулзода, Сарвазири мамлакат ва Давлаталӣ Саид, раиси вилояти Хатлон зимни сафари корӣ дар Ҷайҳун ба фаъолияти коргоҳи истеҳсоли хишти сабук ҳусни оғоз бахшиданд.
Иттилоъ дода шуд, ки коргоҳи истеҳсоли хишти сабук дар як шабонарӯз то 1000 дона қудрати истеҳсолӣ дорад. Дар доираи тадбирандешии Ҳукумати мамлакат ҷиҳати ба шуғли доимӣ фаро гирифтани аҳолӣ дар коргоҳи навбунёд 5 сокини маҳаллӣ бо ҷойи кори доимӣ ва маоши хуб таъмин гардиданд.
Таҷҳизоти коргоҳи мавриди назар бо харҷи 450 ҳазор сомонӣ аз Ҷумҳурии Узбекистон ворид шудааст.
Баъди ифтитоҳи коргоҳи истеҳсоли хишти сабук ва шиносоӣ бо шароити кор Қоҳир Расулзода, Сарвазири мамлакат ба иқдоми соҳибкори ватандӯст ҷиҳати пуштибонии сиёсати созандаи Ҳукумати кишвар баҳои баланд доданд.
Дар шаш моҳи соли 2024 аз ҷониби соҳибкорони маҳаллӣ дар шаҳру ноҳияҳои вилояти Хатлон 40 коргоҳу корхонаи гуногуни истеҳсолӣ бо 343 ҷойҳои корӣ сохта ба истифода дода шудааст.
Ҳамчунин дар ин мудат беш аз 29 ҳазор ҷойҳои кории нав таъсис дода шуд, ки аз он наздики 4 ҳазору 300 ҷойи кории доимӣ мебошад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ