Камонварони ҳирфаӣ муайян шуданд

Дар доираи Фестивали бозиҳои миллии варзишӣ аз 7-ум то 9-ум сентябр дар шаҳри Душанбе Чемпионати ҷумҳурӣ оид ба камонварӣ доир гардид.

Дар мусобиқаи мазкур 42 варзишгар дар ҳайати дудастаӣ аз шаҳри Душанбе ва вилояти Суғд ширкат карданд ва беҳтаринҳо аз рӯи 10 қувваозмоӣ миёни мардону бонувон муайян шуданд.

Варзишгарони дастаи Душанбе-1 6 медали тилло, 1 медали нуқра, 6 медали биринҷӣ ба даст оварданд.

Дастаи Суғд-2 ду медали тилло, 5 нуқра ва дастаи Суғд-1 ду тилло, 1 нуқра, 4 биринҷӣ ва Душанбе-2 се медали нуқраро сазовор шуданд.

Амони Муҳаммад

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube