Намоиши байналмилалии “Китоби Душанбе”моҳи октябр баргузор мегардад

Дар назар аст, ки моҳи октябри имсол дар шаҳри Душанбе Намоиши байналмилалии “Китоби Душанбе” баргузор мегардад. Ин нукта имрӯз, 26-уми июл зимни нишасти матбуотии Вазорати фарҳанги кишвар садо дод.

Гуфта шуд, ки дар давраи ҳисоботӣ дар театрҳои касбии кишвар 24 асари нав саҳнавӣ гардидааст. Аз ин шумора дар пойтахт 8 намоиш ва дар театрҳои музофотӣ 16 намоиш рӯйи саҳна омадаанд.

Инчунин, зикр гардид, ки дар шаҳри Душанбе Фестивал-озмуни ҷумҳуриявии театрҳои касбии “Парасту-2023” ба ифтихори 35-солагии Истиқлоли Тоҷикистон доир гардида, дар он 18 театри касбӣ ширкат варзида, намоишҳои тайи 2 соли охир таҳиякардаи худро пешниҳод намудаанд.

Театри давлатии драмавии русии ба номи Маяковский дар 25-умин Фестивали байналмилалии театрҳои русӣ “Встречи в России” дар шаҳри Санкт-Петербурги Федератсияи Русия ва Фестивали якуми байналмилалии санъати театрии Евразия дар шаҳри Тошканди Ҷумҳурии Ӯзбекистон ширкат варзидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube