ВКД

Нигаронии вазорат аз чанд амали дуздиву қаллобӣ

Вазорати корҳои дохилӣ аз чанд амали дуздиву қаллобӣ дар сомонаи худ хабар дод.

Тавре дар иттилоияи вазорат омадааст, 2-юми майи соли 2022 марди 39-солаи сокини кӯчаи Борбади шаҳри Душанбе бо роҳи фиреб ба боварии сокини 53-солаи сокини шаҳри Ваҳдат даромада, аз ӯ як адад экскаватори тамғаи «Касио»-ро гирифта, ба дигар кас ба маблағи 12 000 доллари амрикоӣ ба гарав гузошта, маблағи гирифтаашро ба манфиати шахсиаш сарф намудааст. Номбурда қаблан бо моддаи 247-и Кодекси ҷиноятии Ҷумҳурии Тоҷикистон суд шудааст.

Ба ҳамин тариқ, ба ШВКД дар шаҳри Бохтар аз номи марди 31-солаи сокини шаҳри мазкур ариза ворид гардидааст, ки 7-уми январи соли 2023 ҳангоми дар толори дилхушии шаҳри Бохтар қарор доштанаш, шахси номаълум бо тариқи пинҳонӣ аз ҷайбаш телефони мобилии тамғаи “Xiaomi”-ро дуздида, ғайб задааст. Арзиши телефон 4 ҳазору 160 сомониро ташкил дода, аз ҷониби кормандони милитсия ҷавонзани 21-солаи сокини ноҳияи Кӯшониён ҳамчун гумонбар дар содир намудани ҷинояти дуздӣ дастгир карда шудааст.

Зани 36-солае аз ноҳияи Шаҳритус ба ШВКД-и ин ноҳия ариза навиштааст, ки 7-уми январи соли 2023 шахси номаълум бо тариқи пинҳонӣ ба хонаи истиқоматиаш даромада, аз дохили сандуқи оҳанин 2000 сомонӣ ва ҷавоҳироти гуногуни тиллоиро дуздида, ба номбурда ба маблағи 9 ҳазору 600 сомонӣ зарар расонидааст. Дар ҷинояти мазкур марди 36-солае, ки ӯ низ сокини ноҳияи Шаҳритус аст, ҳамчун гумонбар дастгир гардидааст.

Аз рӯи ин ҳодисаҳо тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *