Номи хешони кушташудаи Ҳалимов аниқ шуд

Манобеи интизомии минтақаи Кӯлоб мегӯянд, дар задухӯрди шоми 4 июл дар Восеъ аз наздикони полковники фирорӣ Гулмурод Ҳалимов 4 нафар – Фозил Ҳалимов, Султон Ҳалимов, Афзал Абдурашидов ва ҳамсояи онҳо Насим Раҳматов кушта шуда, сеи дигар – Алӣ Ҳалимов, Комил Ҳалимов ва Назир Ҳалимов дастгир шудаанд.

Нашрияи мустақили «Пайк”, ки имрӯз дар пайгирии қазияи задухӯрди Восеъ пешдаст буд, шоми 5 июл аз қавли манбааш дар мақомоти интизомии минтақаи Кӯлоб исми наздикони кушташудаи полковники фирорӣ Гулмурод Ҳалимовро нашр кард.

Ба гуфтаи манбаи «Пайк” дар задухӯрди нимаи дуюми 4 июл дар деҳаи Ибрати ҷамоати Тугараки ноҳияи Восеъ, воқеъ дар паҳлуи кӯҳи намаки Хоҷамӯъмин 3 тан аз бародарону бародарзодаҳои Гулмурод Ҳалимов ва як ҳамсояи онҳо, ҳама сокинони деҳаи Дараи Фонии ноҳияи Варзоб кушта ва сеи дигар дастгир шуданд.

ИСМИ КУШТАШУДАҲО:

1.Фозил Ҳалимов

2. Султон Ҳалимов

3. Афзал Абдурашидов

4. Насим Раҳматов – ҳамсояи Ҳалимовҳо дар Дараи Фонӣ.

ИСМИ ДАСТГИРШУДАҲО:

1.Алӣ Ҳалимов

2.Комил Ҳалимов

3.Назир Ҳалимов.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube