“Ҳосилот” соҳиби роҳхат ба Ҷоми AFC-2017 шуд

Дастаи “Ҳосилот”-и Фархор, ки дар бозии мавқуфгузоштаи даври 13-уми мусобиқаи қаҳрамонии футболи Тоҷикистон дар майдони худ бар тими “Регар-ТадАЗ”-и Турсунзода бо ҳисоби 4:0 пирӯз шуд, соҳиби медалҳои нуқра ва роҳхат ба Ҷоми AFC-2017 гардид.

Бозиҳои мавқуфгузоштаи даври 13-уми мусобиқаи қаҳрамонии футболи Тоҷикистон миёни дастаҳои лигаи олӣ рӯзи 2-юми ноябр баргузор шуданд. Бозии марказии ин давр миёни дастаҳои “Ҳосилот” ва “Регар-ТадАЗ” дар Варзишгоҳи марказии ноҳияи Фархор бо ҳузури 6000 тамошобин барпо гардид. Мизбонон ба дарвозаи меҳмонон чаҳор голи беҷавоб заданд.

Ҳисобро Иброҳим Рабимов дар дақиқаи 8-уми бозӣ аз ҷаримаи 11-метрӣ боз кард. Се голи дигарро легионер СодиқМӯсо ва бародарон Наврӯзу Ҳасан Рустамовҳо дар нимаи дувуми дидор ба самар расонданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube