Рӯзи аввали Моҳи Рамазон аниқ шуд

Шӯрои уламои Маркази исломии Тоҷикистон шанбеи 27-уми майро нахустин рӯзи моҳи мубораки Рамазон эълон кард. Саидмукаррам Абдулқодирзода, раиси Шӯро рӯзи 22 май дар Масҷиди марказии Душанбе эълон кард, ки шаби 26 ба 27 май дар масоҷиди кишвар намози таровеҳ доир мешавад ва фардои он сокинон ба рӯзадорӣ оғоз хоҳанд кард. Ба иттилои Шӯрои уламои Маркази исломии Тоҷикистон, нисоби закот 22950 сомонӣ муқаррар гардида ва аз он 575 сомонӣ закот дода мешавад. Садақаи фитр мувофиқи меъёри шаръӣ барои ҳар нафар 5 сомонӣ таъин гардидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube