Ронандаи “Форсаж”-и тоҷикӣ боздошт шуд.

РВКД дар шаҳри Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонӣ бо суръати 175 км/соат рондааст.

Тибқи иттилои sputnik-tj, ӯ навори мошинронияшро дар саҳифаи Инстаграм бознашр намудааст.

Дар пайи санҷиш муайян шудааст, ки ронандаи мазкур Юдинна Снежанна Руслановна, сокини 29-солаи шаҳри Душанбе мебошад ва ҳангоми идораи мошини шахсияш “Ауди А4” ба қонуншиканӣ роҳ додааст.

Бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube