Сарвазир: Бигзор маро дар майдон парронанд

Эҳсоси эътирозҳо дар Арманистон баъд аз он шиддат гирифт, ки Ситоди Генералии Қувваҳои Мусаллаҳ бо пахши як изҳорот сарвазир Никол Пашинянро ба истеъфо даъват кард. Сарвазир изҳороти Ситоди Генералиро кӯшиши табаддулоти ҳарбӣ номид. Таҳлилгарон изҳор медоранд, ки ҳатто дар ҳолате,ки сарвазир мансаби худро нигоҳ дорад ҳам, зӯри пешинаашро аз даст доааст. Чӣ боиси тезутунд шудани конфронтация дар ҷумҳурӣ гардид ва оё Пашинян аз ӯҳдаи вазъи кунунӣ мебарояд? Ситоди кулли нерӯҳои мусаллаҳи Арманистон истеъфои сарвазир Никол Пашинянро пас аз барканории муовини аввали сардори ситоди кулл Тиран Хачатриан талаб кард. Роҳбари Арманистон он чӣ рӯй дода истодааст, кӯшиши табаддулоти ҳарбӣ номида, ҷонибдоронашро ба кӯчаҳо овард ва дар майдони ҷумҳурӣ, ки бинои ҳукумат ҷойгир аст, ба онҳо муроҷиат кард. «Баъзеҳо кӯшиш карданд, ки артишро ба раванди зиддидавлатӣ ҷалб кунанд. Изҳороти Ситоди Генералии Қувваҳои Мусаллаҳи Арманистон кӯшиши табаддулоти ҳарбӣ аст ва мардум ба ин иҷозат нахоҳанд дод. Фармони ман ба ҳамаи афсарон, генералҳои артиш Қувваҳои Мусаллаҳ –вазифаи худро иҷро кунед,ҳимояи марз ва тамомияти арзии Арманистонро. Ҳеҷ кас наметавонад аз фармони ман саркашӣ кунад «, — гуфт Пашинян.

Сарвазир гуфт, ки ҳаргиз нақшаи фирор аз кишварро надорад ва инчунин гуфт, ки дигар ният надорад интихоботи пеш аз мӯҳлатро баргузор кунад. «Пас аз ҷанг ман дар бораи истеъфо бисёр фикр кардам. Аммо баъд гуфтам, ки ман на бо хоҳиши худ сарвазир шудаам, балки мардум чунин тасмим гирифтаанд,ва ҳамин мардум бояд масъалаи рафтани маро ҳал кунанд. Бигзор мардум талаб кунанд. Бигзор маро дар майдон парронанд «гуфт Пашинян. Ба гуфтаи сарвазир, бисёр генералҳо ва афсарон зери фишори мансабдорони боло санади истеъфои ӯро талаб карданд. Аммо, раҳбарияти низомии кишвар бори дигар талаби худро такрор кард ва итминон дод, ки ҳеҷ гуна фишоре ба амал наомадааст ва мавқеи дар изҳорот зикршуда «бошуурона» аст. Дар Ереван эътирозҳо ҷараён доранд, ки ба гуфтаи мухолифон, то истеъфои Пашинян идома хоҳад кард. Эътирозгарон хиёбони Маршал Баграмянро, ки қароргоҳи сарвазир ва бинои парламент ҷойгир аст, бастанд. Дар майдони назди парламент хаймаҳо пайдо шуданд. Сарвазир аз мухолифин даъват кард, ки тазоҳуротро хотима диҳанд ва муколама оғоз кунанд. Аммо, рақибони Пашинян ҳамон якравӣ ва муносибати оштинопазиреро нишон доданд, ки чанд сол пеш, вақте ки ӯ дар он тарафи баррикада буд, буд. Оппозиция аз гуфтушунид ба ҷуз аз талаби истеъфои сарвазир худдорӣ мекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube