Талаба  зери чархи мошини муфаттиш фавтид

Фирдавс Ҳалимов, сокини 15-солаи Кӯлоб, зери чархи мошини муфаттиши корҳои дохилии ин шаҳр монда, баъди интиқол ёфтанаш ба бемористон даргузашт.

Мақомоти прокуратураи Кӯлоб гуфтанд, ки ҳодисаро ҷиддӣ таҳқиқ доранд. ​Капитан Саидмуъмин Исломов, муфаттиши садамаҳои нақлиёти Шӯъбаи корҳои дохилии Кӯлоб, Фирдавсро шаби 13-уми феврал дар бемористон гузошта, худаш ба идораи пулис рафтааст. Ӯ феълан дар озодӣ аст ва ба ҳайси омили ин садамаи маргбор баёнот додааст.Фирдавс Ҳалимов соати 12-и шаби 13-уми феврал, баъди адои кор дар назди терминали Кӯлоб-Восеъ, зери чархи худрави капитан Саъидмӯъмин Исломов мондааст. Ӯ дар синфи ҳафтуми мактаби рақами 6-и Кӯлоб мехонд ва ҳар рӯз баъди дарс дар наздикиҳои бозори “Саховат” “пирожний” мефурӯхт.​Як манбаъ дар мақомоти интизомии Кӯлоб  гуфтааст,ки  муфаттиш дар лаҳзаҳои вуқӯи ҳодиса бо мошини тамғаи «Нексия» аз самти бозор тез ҳаракат мекард ва дар он ҳолат Фирдавсро зер карда, то 15-20 метр бо худ бурд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube