Вохӯрии дӯстонаи мунтахаби ҷавонони Тоҷикистон бо дастаи АМА

Дастаи мунтахаби ҷавонони Тоҷикистон (U-20) таҳти роҳбарии сармураббӣ Аҳлиддин Турдиев моҳи июн дар Душанбе ду бозии дӯстона анҷом медиҳад.

Бино ба иттилои Федератсияи футболи Тоҷикистон, рӯзҳои 2-юм ва 4-уми июн дар Варзишгоҳи марказии ҷумҳуриявии шаҳри Душанбе миёни дастаҳои ҷавонони то 20-солаи Тоҷикистон ва Амороти Муттаҳидаи Араб бозиҳои дӯстона баргузор мегарданд. Ин вохӯриҳо соати 20:00 оғоз мешаванд.

Бояд гуфт, ки дар марҳилаи интихобии Ҷоми Осиё-2023 мунтахаби ҷавонони Тоҷикистон (U-20) дар гуруҳи «I» баромад мекунад. Дастаҳои Камбоҷа, Лубнон ва Сингапур ҳарифони ҷавонони мо мебошанд. Даври интихобӣ аз 14 то 18-уми сентябр дар Душанбе баргузор мешавад.

Ғолибони даҳ гуруҳи интихобӣ ва панҷ дастаи беҳтарин, ки ҷойҳои дуюмро мегиранд, ба марҳилаи ниҳоии Ҷоми Осиё-2023 байни ҷавонон, ки аз 1-ум то 18-уми марти соли оянда дар Ӯзбекистон баргузор мешавад, роҳ меёбанд.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.