Вуруди вояҳои ваксина ба Тоҷикистон бо дастгирии Британияи Кабир

Ба Тоҷикистон 451 ҳазору 200 воя ваксинаи “Janseen” — зидди COVID-19 ворид гардид.

Бино ба иттилои Вазорати тандурустӣ ва ҳифзи иҷтимоии аҳолии кишвар, ин теъдод вояҳо дар доираи механизми COVAX ва бо дастгирии кишвари Британияи Кабир ворид гардидаанд.

Дар қабули вояҳои ваксинаи мазкур дар Фурудгоҳи байналмилалии шаҳри Душанбе намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Сафорати Британияи Кабир дар Тоҷикистон иштирок намудаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube