Зарари расида ба пули Восеъ як миллион ҳисоб шуд
Мақомоти Кӯлоб мегӯянд, барои бозсозии пуле, ки дар ноҳияи Восеъ ҳангоми гузаштани мошини гаронвазн шикаста буд, беш аз як миллион сомонӣ зарур аст.
Чанде қабл вазири нақлиёти Тоҷикистон Азим Иброҳим нигаронӣ карда буд, ки мошинҳои боркаш аз меъёр зиёд бор мегиранд, роҳҳо ва пулҳоро вайрон мекунанд.
Талафоти модию ҷоние, ки мошинҳои боркаши гаронвазн бо нақзи меъёрҳо дар Тоҷикистон ба вуҷуд меоранд, мавзӯи ҷаласаи назоратӣ назди вазири нақлиёт Азим Иброҳим шуда буд. Вазир гуфт, ки нақлиёти автомобилӣ дар таъминоти логистикии иқтисодиёти Тоҷикистон нақши калидӣ дорад, зеро аксари борҳо — беш аз 90% маҳз тавассути ин намуди нақлиёт интиқол дода мешаванд.
«Аммо он ки мошинҳои боркаш аз меъёри муқарраршуда зиёд бор гирифта, роҳҳо ва пулҳоро вайрон мекунанд ва ба давлат зарари калон мерасонанд, таҳаммулнопазир аст»,- таъкид намудааст ӯ.
Азим Иброҳим ба Хадамоти давлатии назорат ва танзим дар соҳаи нақлиёт барои пурзӯр намудани назорат дар соҳа дастур додааст.
Вай аз аз ҷумла таҳия ва пешниҳод намудани лоиҳаи барномаи «Тарозуи ҳушманд» оид ба насби таҷҳизоти рақамии назорати вазн ва андоза дар роҳҳои автомобилгарди кишварро хост.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ