20 кадри навтаъин дар вазорату кумита ва муассисаҳои олӣ

18 март бо фармони Президенти мамлакат Эмомалӣ Раҳмон дар чанд сохтори давлатӣ, аз ҷумла вазоратҳои маориф ва илм, нақлиёт ва муассисаҳои олӣ тағйироти кадрӣ сурат гирифт.

Бо фармонҳои Президенти Ҷумҳурии Тоҷикистон таъин гардиданд:

– Бобокалонзода Луқмон, Сафири Фавқулодда ва Мухтори Ҷумҳурии Тоҷикистон дар Ҷумҳурии Демократии Сотсиалистии Шри-Ланка ва ҳамзамон Сафири Фавқулодда ва Мухтори Ҷумҳурии Тоҷикистон дар Ҷумҳурии Сингапур;

–Мирзозода Парвиз Муродалӣ, Сафири Фавқулодда ва Мухтори Ҷумҳурии Тоҷикистон дар Шоҳигарии Марокаш.

Бо Қарорҳои Ҳукумати Ҷумҳурии Тоҷикистон таъин гардиданд:

–Неъматзода Фаррух Неъмат,  муовини якуми вазири нақлиёти Ҷумҳурии Тоҷикистон;

–Ҳошимзода Ҳомид Ҳасан, муовини якуми вазири маориф ва илми Ҷумҳурии Тоҷикистон;

– Музаффарзода Бадриддин Сангалӣ, муовини вазири маориф ва илми Ҷумҳурии Тоҷикистон;

– Набизода Мадина Раҳмат, муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон;

– Одиназода Чаманоро Рустам, муовини раиси Кумитаи кор бо занон ва оилаи назди Ҳукумати Ҷумҳурии Тоҷикистон;

– Назарзода Маҳмуд Мирзо, ректори Муассисаи давлатии таълимии «Донишкадаи давлатии фарҳанг ва санъати Тоҷикистон ба номи Мирзо Турсунзода»;

– Давлатзода Баҳодур Давлат, ректори Муассисаи давлатии «Консерваторияи миллии Тоҷикистон ба номи Талабхӯҷа Сатторов»;

– Гулаҳмадзода Аминҷон Абдуҷаббор, директори Институти масъалаҳои об, гидроэнергетика ва экологияи Академияи миллии илмҳои Тоҷикистон;

– Бобозода Комил Олимҷон, директори Институти иқтисодиёт ва демографияи Академияи миллии илмҳои Тоҷикистон;

– Сафарализода Носир Саидҷалол, директори Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон

–Абдулназарзода Абдулназар Ғойбназар, директори Институти биологии Помир ба номи Худоёр Юсуфбекови Академияи миллии илмҳои Тоҷикистон;

– Саидзода Масрур Мирзохон, ректори Муассисаи давлатии «Донишкадаи байналмилалии Хуҷанд»-и Муассисаи давлатии «Донишгоҳи байналмилалии сайёҳӣ ва соҳибкории Тоҷикистон»;

– Сафарзода Абдулло Мумин, директори Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон;

– Баротзода Файзиддин Камолиддин, муовини раиси Кумитаи забон ва истилоҳоти назди Ҳукумати Ҷумҳурии Тоҷикистон;

– Саиднуриддинзода Аҳлиддин Саиднуриддин, муовини директори Агентии ҳифзи мероси таърихию фарҳангии назди Ҳукумати Ҷумҳурии Тоҷикистон;

– Ҷабборзода Динора Зуҳал, муовини сардори Хадамоти иҷрои назди Ҳукумати Ҷумҳурии Тоҷикистон;

– Одиназода Исмоил Мирзомуддин,  муовини сардори Саридораи ҳифзи сирри давлатии назди Ҳукумати Ҷумҳурии Тоҷикистон.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube