Аз 1 сентябр нақлиёти ҷамъиятӣ дар Душанбе зиёд мешавад

Дар Душанбе аз 1-уми сентябр шумораи нақлиёти ҷамъиятӣ – автобус, троллейбус ва микроавтобусҳо (маршруткаҳо) 20% зиёд карда мешавад. Дар ин бора аз корхонаи “Душанбенақлиётхадамотрасон” хабар доданд.

Ин тасмим ҳамасола дар арафаи соли нави таҳсил гирифта мешавад, зеро бо оғози дарсҳо теъдоди мусофирон меафзояд.

Аз 1 сентябр нақлиёт чунин зиёд мешавад:

🚍 Автобусҳо: 380 адад (ба ҷои 308)

🚎 Троллейбусҳо: 65 адад (ба ҷои 41)

🚐 Маршруткаҳо: 1100 адад (ба ҷои 950)

Микроавтобусҳои нав бештар ба хатсайрҳои сермусофир равона карда мешаванд. Айни ҳол бинобар таъмири роҳҳои марказӣ ҳаракати троллейбуси хатсайри рақами 1 боз дошта шудааст.

Таксиҳо

Айни замон 10 ҳазору 500 адад фаъолият доранд. Дар моҳи сентябр то 500 адади дигар зиёд карда мешаванд. Квотаи умумӣ – 12 ҳазор.

Нақлиёти барқӣ

Ҳоло 30 автобус ва 8 маршруткаи барқӣ фаъолият мекунанд. Дар нақша аст, ки то охири сол шумора ба 150 адад расонда шавад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube