Аз таҳти дил бихандед!
Шакари бепул
Муштарӣ аз қаҳвафурўш мепурсад:
– Як истакон кофе чанд аст?
– 1 сомонӣ.
– Шакараш чанд аст?
– Шакараш бепул.
– Ин хел бошад, аз ҳамон шакараш як кило ба ман диҳед.
Ҳофизӣ
Марде бедор шуда, дид, ки шахсе дар байни хона истодааст. Пурсид:
– Ту ин ҷо чӣ кор мекунӣ?
– Ҳофизӣ мекунам.
– Овозат намебарояд-ку!
– Овозро пагоҳӣ мешунавед,- гуфт он шахс.
Мард кӯрпаро ба сараш кашида, баҳузур хоб кард. Зани мард саҳарӣ бедор шуда, дид, ки ҳама чизро гирифта рафтаанд. Ӯ доду фарёд сар кард.
Мард чӣ ҳодиса рӯй доданашро фаҳмида, гуфт:
– Аҷаб марди ростгӯе будааст! Гуфта буд, ки «овозро пагоҳӣ мешунавед».
Даромад
Мард ба духтараш:
– Домодшаванда чӣ қадар даромад дорад?
Духтар:
– Аҷоиб, падарҷон! Вай ҳам ҳамин хел савол дар бораи шумо дод.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ