Аз таҳти дил бихандед!

Қарз

Зан ба марди дӯстдоштааш мегӯяд:

— Мо кай оиладор мешавем?

Мард дар ҷавоб:

— Фотимаҷон, ман алҳол имкони бо шумо издивоҷ карданро надорам, вале кам-кам қарзи заношавҳариро адо карда метавонам.

Шаҳодати бардурӯғ

Дар толори суд аз судшаванда мепурсанд:

— Мутмаинам, хеле хуб медонед, ки барои додани шаҳодати бардурӯғ шуморо чӣ интизор аст?

Судшаванда дар ҷавоб:

— Бале, BMV ваъда додаанд.

Камбудӣ

Зердаст аз раиси худ мепурсад:

— Раис, шумо ягон бор ба занатон рӯирост ҳамаи камбудиҳояшро гуфтаед?

Раис дар ҷавоб:

— Бале. Мехоҳӣ захми сарамро нишон диҳам?

Ҷашн

Зане ба назди духтур рафта, мегӯяд:

— Доктор, баъди аз шавҳарам ҷудо шудан сахт фарбеҳ шудам. Ба ман ягон твасия медодед.

Духтур дар ҷавоб:

— Ҷашн гирифтанро бас кунед-дия!

Наполеон

Равоншинос ба бемор баъд аз табобати тӯлонӣ мегӯяд:

— Шуморо табрик мекунам, аллакай ҳолатон рӯ ба беҳбудӣ оварда истодааст.

Бемор мегӯяд:

— Шумо беҳбудӣ гуфта, чиро дар назар доред, духтур? Ба маълумоти шумо мерасонам, ки шаш моҳ қабл ман Наполеон будам, акнун ҳеҷ касам!

Кредит

Намояндаи бонк ба марде занг зада, мепурсад:

— Салом. Шумо ҷои кор меҷӯед?

Мард мегӯяд:

— Бале, меҷӯям.

Корманди бонк мегӯяд:

— Беҳтарин! Ҳамин ки ҷои кор ёфтед, ба мо занг занед. Мо ба шумо бо имкониятҳои мусоид кредит пешниҳод мекунем!

Хизматрасонӣ

Марде дар фурудгоҳ ба маъмурият мегӯяд:

— Шумо метавонед як ҷомадони маро ба Русия ва дигарашро ба Туркия равон кунед?

Корманди фурудгоҳ мегӯяд:

— Не, мо чунин тарзи хизматрасонӣ надорем.

Мард мегӯяд:

— Хеле хуб, зеро дафъаи гузашта шумо ҷомадонҳои маро ҳамин гуна равон карда будед.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube