Аз таҳти дил бихандед!

Муҳлат

Мард аз занаш мепурсад:

— Занак, дар соли нав ба ту чӣ туҳфа кунам?

Зан мегӯяд:

— Ой, мардакҷон, ман ҳоло намедонам…

Мард дарҳол мегӯяд:

— Майлаш, бароят як соли дигар муҳлат медиҳам, фикр кун.

Одат

Тифле дар дохили мошин гиря мекунад. Модараш ба ронанда мегӯяд:

— Ягон гап гуфта, ӯро тарсонед, ки хап кунад.

Ронанда ба тифл мегӯяд:

— Хап кун, вагарна очаатро мебӯсам!

Зан дар ҷавоб мегӯяд:

— Ин писари ман як одат дорад, то бо чашм набинад, бовар намекунад.

Қасос

Зан ба шавҳараш мегӯяд:

— Ман бо ту ба ҳеҷ куҷо намеравам!

Шавҳар ҳайрон шуда:

— Ин тавр бошад, барои чӣ либоси наватро пӯшида, худро орову торо додаӣ?

Зан мегӯяд:

— Барои он ки ту бубинӣ, ки чунин зебосанам ҳамроҳат ба ҳеҷ куҷо рафтан нахост.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube