Далер Назаров ба синни Пайғамбарӣ расид (аудио)

Далер Назаров,  овозхонон ва оҳангсози шинохтаи тоҷик имрӯз, 8 сентябр ба синни Пайғамбарӣ расид. Номбурда 8 –уми сентябри соли 1959 дар шаҳри Душанбе таваллуд шуда, хатмкардаи факултаи филологияи руси Донишгоҳи омӯзгории Тоҷикистон аст. Аммо фаъолияти омӯзгорӣ накард ва пурра ба мусиқӣ пардохт.

Аксари таронаҳои ӯ хитҳоеанд, ки то ба ҳол тозагиву ҷазабаи худро гум накардаанд ва шӯҳрати ӯро ба хориҷ аз марзҳои Тоҷикистон бурдаанд, аз қабили «Турки шерозӣ», «Эй парӣ» ва «Чак-чаки борон», ки дар солҳои 80 – уми асри гузашта офарида шудаанд.

Далер Назаров ҳудуди 10 албоми тарона омода кардааст. Таронаҳои ӯро овозхонҳои Русия, Ӯзбекистон, Туркия, Қазоқистон ва дигар кишварҳо низ бозхонӣ кардаанд.

Ӯ барои ҳудуди 30 филм низ оҳанг навиштааст, ки маъруфтаринҳояшон “Нисо”, “Бут”, “Падари маҳтобӣ”, “Қиёми рӯз” ва ғайра мебошанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube