Дар Хатлон беш аз 2400 оила ҷудо шуданд
Соли 2020 дар вилояти Хатлон беш аз 2 ҳазору 400 оила аз ҳам ҷудо шудаанд. Ин ҳам дар ҳолест, ки соли 2019-ум ин рақам ба 2 ҳазору 640 ҳолат баробар буд.
Абдусаттор Ҳакимзода, мутахассиси шуъбаи Раёсати асноди ҳолати шаҳрвандӣ дар вилояти Хатлон имрӯз 03 феврали соли равон зимни нишасти матбуотӣ гуфт, ҷудошавии оилаҳо назар ба солҳои пеш кам шудааст. Зикр гардид, ки соли 2020 дар вилояти Хатлон мутаассифона, 2 ҳазору 414 оила аз ҳам ҷудо шудаанд. Вале назар ба соли 2019-ум 226 ҷудошавии оилаҳо кам мебошад.
Ҳамчунин гуфта шуд, ки давоми соли 2020 никоҳи даҳ шаҳрванди хориҷӣ бо сокинони вилояти Хатлон ба қайд гирифта шудааст. Машраби Аловиддин
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ