Ду аспи зотӣ. Туҳфаи Рамзан Қодиров ба Шавкат Мирзиёев

Раисҷумҳури Чеченистон ба Президенти Ӯзбекистон Шавкат Мирзиёев дар зодрӯзаш ду аспи зотӣ туҳфа кард.

Ӯ дар як паёми видеоӣ президентро ба муносибати 65 -солагиаш шахсан табрик низ кардааст.

«Шахси хоксору меҳмондӯст ва ҳамзамон сиёсатмадори хирадманду дурандеш — ҳамин тавр метавон Шавкат Миромоновичро тавсиф кард. Ӯ воқеан ошиқ ба ватан аст», — навиштааст раҳбари Чеченистон дар саҳифаи шахсии худ дар “Вконтакте”.

Ҳамчунин, Қодиров изҳори итминон кардааст, ки бо «дасти салоҳиятдор»-и президент Ӯзбекистон ба «маркази сайёҳии исломӣ» табдил хоҳад ёфт.

«Ба муҳтарам Шавкат Миромонович аз самими қалб саломатии бардавом, умри дароз, инчунин ба Ӯзбекистони бародар сулҳу субот ва шукуфоӣ таманно дорам», — гуфт ӯ дар паёми видеоӣ.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.