Духтараки ба президент номанавишта худкушӣ кард
Дар шаҳри Сафоновая (вилояти Смоленск) як духтари 14-сола, ки аз маоши ками модараш ба Владимир Путин шикоят карда буд, худкушӣ кард.
Матбуоти маҳаллӣ рӯзи 19-уми ноябр навишт, ки ин наврас аз ҷабри ҳамсинфонаш дар мактаб шикоят мекард. Духтари наврас босираи хуб надошт ва ҳамсолонаш ӯро масхара ва «циклоп» садо мекарданд.Ӯ қабл аз худкушӣ дар шабакаҳои иҷтимоӣ бо навиштаи «Чаро Шумо ин қадар одамони бад ҳастед?» зоҳир шуд.»Смоленская народная газета» рӯзи гузашта навишт, модари духтарак, ки аз ӯ бидуни номи хонаводагӣ Наташа ном мебаранд, дар бемористони маҳаллӣ парастор буд. Баъди он ки духтараш ба Путин нома навишт ва онро ба маъмурияти президент фиристод, мақомот модари Наташаро барои сӯҳбат даъват ва ӯро «сарзаниш» карданд. Ба навиштаи нашрия «эҳтимол ҳамин маврид барои кӯдак зарбаи сахт шуд».Бинобар маълумоти тасдиқнашуда, дар ҷайби духтар номаеро ёфтаанд, ки мегуфт, дар марги ӯ касеро гунаҳкор накунанд.Маълум нест, ки номаи Наташа бо шикоят аз маоши ками модараш ба президент расида буд ё не.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ