Эмомалӣ Раҳмон ба Туркманистон сафар кард

11 декабр Президенти Ҷумҳурии Тоҷикистон, Эмомалӣ Раҳмон барои иштирок дар Форуми байналмилалии сулҳ ва эътимод ба Туркманистон сафар карданд.

Дар ин сафар Эмомалӣ Раҳмонро вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ ва дигар шахсони расмӣ ҳамроҳӣ мекунанд.

Дар саҳн ва толори фурудгоҳи байналмилалии Ашқобод Эмомалӣ Раҳмонро Раиси Халқ Маслаҳатии Туркманистон Гурбангули Бердимухамедов ва дигар шахсони расмӣ истиқбол гирифтанд.

Дар мулоқот як зумра масоили вобаста ба таҳким ва густариши минбаъдаи ҳамкории гуногунҷанбаи ду кишвар баррасӣ шуд.

 Эмомалӣ Раҳмон таъкид доштанд, ки “Тоҷикистон ҷонибдори дар руҳияи шарикии стратегӣ рушд додани ҳамкорӣ бо Туркманистон мебошад”.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube