“Истиқлол” ҳайаташро пурзӯр мекунад

Бошгоҳи “Истиқлол”-и Душанбе бо нимҳимоятгар аз Босния Денис Беганович шартномаи ҳамкорӣ баст.

Гуфта мешавад, ки шартномаи ҳамкорӣ миёни бошгоҳи “Истиқлол” ва Денис Беганович ба муддати як сол ба имзо расидааст.

Ҳоло футболбози нав Денис Беганович дар ҷамъомади тамринии бошгоҳ қарор дорад.

Ёдовар мешавем, ки Денис Беганович то “Истиқлол” гузаштан ҳамчун футболбози касбӣ дар дастаҳои “Жезелничар”, “Слобода Тузла” ва “Ком Подгоритса” ҳунарнамоӣ кардааст. Ӯ то ҳол 212 бозӣ анҷом дода, 27 гол ва 12 партофти головар дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube