Курдистон: 93% тарафдори истиқлол мебошанд

Бар пояи натиҷаҳои муқаддамотии шумораи баргаҳои раъйдиҳӣ, беш аз 93 дарсад ба тарафдории истиқлоли Курдистон овоз додаанд.

Расонаҳои хабарӣ мегӯянд, 73 дарсади афроди дорои ҳаққи раъй дар овоздиҳии рӯзи гузашта иштирок кардаанд. Дар баргаҳои раъй бо забонҳои курдӣ, туркӣ, арабӣ ва ошурӣ ин суол навишта шуда буд, ки “Оё хоҳони ин ҳастед, ки минтақаи Курдистон ва ноҳияҳои курднишини хориҷ аз минтақаи Курдистон як кишвари мустақил шавад?”

Аз тасмими аз Бағдод ҷудо шудани Курдистон Ироқ, ИМА, Арабистон, Туркия, Эрон ва Русия интиқод карданд.