Нигерия: Дар интихобот кӣ пирӯз мешавад?

Мақомот таҳти фишор ҳастанд, то раванди ҳисоб кардани овозҳо бе ягон мушкилӣ пеш равад. Бори аввал баъд аз поёни ҳукмронии низомӣ интихоботи раёсати ҷумҳури Нигерия оғоз шуд.

Бино ба гузоришҳо, ба назар мерасад, ки ҳузури мардум дар интихобот зиёд буда, интихобкунандагони ҷавон саҳар бори аввал ба сӯи сандуқҳои раъй рафтанд.

Овоздиҳии рӯзи шанбе бо таъхири тӯлонӣ дар қитъаҳои интихоботӣ ва ҳамчунин гузоришҳое гоҳ-гоҳ дар бораи рабудани сандуқи раъй ва ҳамлаҳои афроди мусаллаҳ сурат гирифт. Баъзе ҳизбҳо аз иддаои қонуншиканӣ ҳушдор додаанд, ки натиҷаҳои интихоботро зери суол мебарад.

Ин интихобот бузургтарин тамрини демократӣ дар қитъаи Африқо аст, ки 87 миллион нафар ҳақи ширкат дар интихоботро доранд.

Сиёсати Нигерия аз замони барқарор гардидани демократияи бисёрҳизбӣ дар 24 сол пеш аз ин зери ҳукмронии ду ҳизб — Конгресси мутараққиён ва Ҳизби халқии демократӣ буд. Аммо ин дафъа номзади ҳизби сеюм бо номи Питер Оби аз Ҳизби коргар вориди сабқат шуд, то ҷонишини раисиҷумҳури Нигерия Муҳаммаду Буҳорӣ шавад. Ҷавонони зиёде низ аз ӯ пуштибонӣ карданд ва ӯ барои ҳизбҳои суннатӣ чолишҳои нав эҷод кардааст.

Даҳҳо ҳазор қитъаҳои интихоботӣ натиҷаҳои интихоботро шумурдаанд, ки ҷамъоварӣ ва ба ситоди интихоботӣ дар Абуҷа — пойтахти Нигерия фиристода мешаванд.

Интизор меравад, ки натиҷаи ниҳоӣ ҳадди ақал то рӯзи сешанбе эълон шавад.

Дар як нишасти хабарӣ рӯзи шанбе раиси идораи интихоботии Нигерия Маҳмуд Ёкубу аз мардум барои ба таъхир андохтани овоздиҳӣ узр хост, аммо гуфт, ки ба ҳамаи онҳое, ки дар навбат истода буданд, то соати 14:30 ба вақти маҳаллӣ иҷоза дода мешавад, то овоз диҳанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube