Паҳлавонони Тоҷикистон ба Загреби Хорватия мераванд

Паҳлавонони Тоҷикистон марҳилаи ниҳоии омодагиро ба оғози асосии мавсим – Чемпионати ҷаҳон, ки аз 13 то 21-уми сентябр дар Загреб (Хорватия) баргузор мешавад, ба анҷом мерасонанд.

Дар ин мусобиқот ҳудуди 900 варзишгар аз беш аз 60 кишвари ҷаҳон ширкат мекунанд, ки барои 30 маҷмӯи медалҳо дар се намуд: куштии озод, юнониву румӣ ва занона мубориза мебаранд. Барномаи Чемпионати ҷаҳон бо куштии озод кушода мешавад, баъд занон ба майдон мебароянд ва чемпионат бо куштии классикӣ ба охир мерасад. 326 варзишгар аз 56 кишвари ҷаҳон вориди куштии озод шуданд. Ба иттилои UWW, 13 ғолиби Олимпиадаи Порис ба Загреб хоҳанд омад, ки се чемпиони феълии олимпӣ низ ҳастанд.

Ба ҳайати дастаи Тоҷикистон ҳам паҳлавонони маҳаллӣ ва ҳам легионерҳои мактаби куштии Ёқутистон шомиланд.

Виктор Рассадин, барандаи медали дукаратаи нуқраи мусобиқоти Осиё, барандаи Ҷоми ҷаҳон ва иштирокчии Олимпиада мебошад, ки дар вазни 70 кг мубориза мебарад. Дар ин вазн 28 паҳлавон сабти ном шудаанд.

Дар вазни 57 кг Тоҷикистонро Айаал Белолюбский, қаҳрамони кишвар ва барандаи ҷоизаи мусобиқаи рейтингӣ дар Албания намояндагӣ мекунад. Дар вазни ӯ 34 варзишгар, аз ҷумла пешсафони рейтинги ҷаҳонӣ сабти ном шудаанд.

Легионери дигари Тоҷикистон Абдулмаҷид Қудиев дар байни куштигирони тарзи озод дар вазни то 65 кг номнавис шудааст. Дар вазни 79 кг легионер Магомед Евлоев, дар вазни то 97 кг Эдуард Бабеношев дар байни “классикҳо” куштӣ мегиранд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube