Шаҳзодаро «сартарошон» каданд

Вай меафзояд, занҳое, ки ӯро латту кӯб карданд, то кунун ба ҷавобгарӣ ҷалб нашудаанд ва ҳанӯз ҳам ба вай таҳдид мекунанд. Шаҳзода Ҳусанова нақл мекунад, ки 4 октябр се зан ба манзили вай даромада, ӯро латту кӯб ва мӯи сарашро тарошидаанд.

«Парванда таҳқиқ ва 4 декабр ба мақомоти милисаи ноҳияи Юнусободи Тошканд фиристода шуд», — хабар дод маркази матбуотии Додситонии кулли Ӯзбекистон.

Дар хулосаи ташхиси тиббӣ-додгоҳии ин ҳодиса гуфта шудааст, ки Ҳусанова «ҷароҳати сабук» бардоштааст.

Шаҳзода Ҳусанова мегӯяд, дар шабакаи иҷтимоии Telegram бо ҷавоне шинос шудааст. Зани он ҷавон аз тамосҳои шавҳараш бо Шаҳзода огоҳӣ пайдо карда, ҳамроҳ бо ду зани дигар ба хонаи Ҳусанова омадааст. Онҳо Шаҳзодаро латту кӯб ва баъдан мӯи сарашро қайчӣ кардаанд. Аз ин латту кӯбҳо Шаҳзода аз ҳуш рафтааст ва занҳо аз ин ҳолат истифода карда, ороишоти тилоии ӯро рабудаанд.