Тақвими рӯз: Аз мавлуди Раҷаб Саидӣ то зимистони ҳақиқӣ

Имрӯз инҳо зодрӯз доранд:

Раҷаб САИДӢ (1952), 70-солагии зодрӯзи шоир ва рӯзноманигор.

Билоли УСМОН (1957), 65-солагии зодрӯзи шоир, Корманди шоистаи илми Тоҷикистон.

Аҳмад КАРИМОВ (1917-2004), 105-солагии зодрӯзи доктори илми тиб, профессор.

Муҳаммадраҷаб САФАРОВ (1952), 70-солагии зодрӯзи журналист.

Имрӯзи таърих:

— 18-уми ноябри соли 1920 дар СССР ба исқоти ҳамл иҷозат дода шуд. Дар Русияи пешазинқилобӣ исқоти ҳамл модарро бо маҳбас дар «хонаи ислоҳ» ва духтурро бо зиндон таҳдид мекард. Ба ин нигоҳ накарда, сол то сол шумораи исқоти ҳамл зиёд шуд, дар баробари ин, фавт хеле зиёд буд. Дар соли 1914 дар Россия қариб 400 ҳазор исқоти ҳамл карда шудааст. Ва танҳо дар 20 ҳолат парвандаи додгоҳӣ оғоз шудааст. Зеро ҳукумати подшоҳӣ дарк кард, ки 400 ҳазор нафар занҳо ва ҳамин қадар духтуронро ба курсии додгоҳӣ кашидан аз ақл берун аст.

Декрети Ҳукумати Шӯравӣ «Дар бораи қатъи сунъии ҳомиладорӣ», ки соли 1920 содир шуда буд, аввалин қонун дар таърихи ҳуқуқи ҷаҳонӣ гардид, ки бо хоҳиши зан исқоти ҳамлро иҷозат додааст.

Баъзе давлатҳои ҷаҳон чунин идҳои миллиро имрӯз ҷашн мегиранд:

Латвия — Рӯзи истиқлолият.

Марокаш — Рӯзи истиқлолият.

Ўзбекистон — Рӯзи парчами миллӣ.

Хорватия — Хотираи рӯйдодҳои Вуковар.

Украина — Рӯзи сержанти Қувваҳои Мусаллаҳи Украина.

— 18-уми ноябр дар Русия зодрӯзи Падари Мороста расман ҷашн гирифта мешавад. Гумон меравад, ки маҳз 18-уми ноябр дар оилаи ӯ — дар Великий Устюг (вилояти Вологда) зимистони ҳақиқӣ мешавад ва сармоҳо ба амал меоянд.

Синну соли ҷодугари зимистон чандон маълум нест, аммо аниқ маълум аст, ки зиёда аз 2000 сол ва дар замонҳои гуногун бо роҳҳои гуногун маълум буд, аввал дар ниқоби руҳи славянии шарқии Трескуни сард, баъд хамчун персонажи афсонаҳо Морозко ё Мороз Иванович.

Гумон меравад, ки Бобои барфии «адабии» рус бори аввал дар саҳифаҳои китобҳо дар соли 1840, вақте ки «Афсонаҳои кӯдаконаи бобои Ириней»-и Владимир Одоевский нашр шуд, пайдо гарид, ки ҷодугари зимистон Мороз Иванович ном дошт.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.