Тақвими рӯз: Аз зодрӯзи Солеҳ Раҷабов то Рӯзи байналмилалии ҳисоб

Имрӯз инҳо зодрӯз доранд:

Солеҳ РАҶАБОВ (1912-1990), 110-солагии зодрӯзи доктори илми ҳуқуқ, профессор, Корманди шоистаи илми Тоҷикистон, арбоби ҳизбӣ ва давлатӣ, дорандаи Ҷоизаи давлатии ба номи Сино.

Абусаиди ВОҲИД (1967), 55-солагии зодрӯзи шоир, хизматчии давлатӣ.

Исмоил МУҲСИНОВ (1932), 90-солагии зодрӯзи журналист, Корманди шоистаи маданияти Тоҷикистон.

Маҳбуба АФЗАЛӢ (1957), 65-солагии зодрӯзи мутарҷим, олими соҳаи педагогӣ.

Муҳаббат ҲАМДАМОВА (1947), 75-солагии зодрӯзи олими соҳаи тиб.

Низомуддини ДАВЛАТ (1957), 65-солагии зодрӯзи шоир.

Солеҳ Раҷабов — академики бародари академик

Солеҳ Раҷабов — доктори илмҳои ҳуқуқшиносӣ (1949), профессор (1950), академики Академияи илмҳои ҶШС Тоҷикистон (1957), Арбоби шоистаи илми ҶШС Тоҷикистон (1967), дорандаи Ҷоизаи давлатии ба номи Абӯалӣ ибни Сино (1970) соли 1912 дар шаҳри Хуҷанд таваллуд шудааст. Ӯ бародари академики Академияи илмҳои ҶШС Тоҷикистон Зариф Раҷабов аст. Солеҳ Раҷабов Институти созмони шӯравӣ ва ҳуқуқи Тошкентро соли 1933 бо ихтисоси ҳуқуқ хатм кардааст. Самтҳои асосии фаъолияти илмии ӯ назария ва таърихи давлат ва ҳуқуқи шӯравӣ мебошад.

Ӯ ба ҳайси директори Институти ҳуқуқи Тошкент (1936-1940; 1943-1945; 1949-1954), мудири кафедраи давлат ва ҳуқуқи Донишгоҳи давлатии Осиёи Миёна (Самарқанд, 1955-1956), ректори Донишгоҳи давлатии Тоҷикистон ба номи В. И. Ленин (1956-1971), муовини сармуҳуррири сарредаксияи илмии Энсиклопедияи шӯравии тоҷик (1973-1975), академик-котиби Шуъбаи илмҳои ҷамъиятшиносии Академияи илмҳои ҶШС Тоҷикистон (1975-1987), мушовири Раёсати Академияи илмҳои ҶШС Тоҷикистон (1987-1990) фаъолият кардааст.

Бо панҷ ордени «Нишони Фахрӣ», медалҳои «Барои ғалаба бар Германия дар Ҷанги Бузурги Ватании солҳои 1941-1945», «Барои меҳнати шоён. Ба муносибати 100-солагии рӯзи таваллуди В. И. Ленин», «Сисолагии ғалаба дар Ҷанги Бузурги Ватании солҳои 1941-1945», «60-солагии Қувваҳои Мусаллаҳи ИҶШС», ифтихорномаҳои Раёсати Шӯрои Олии ҶШС Тоҷикистон ва Раёсати Шӯрои Олии ҶШС Ӯзбекистон қадрдонӣ шудааст.

Аз таърих:

— Соли 1961 Сталинобод номи Душанберо гирифт.

— Дар Тоҷикистон рӯзи 10-уми ноябр Рӯзи милитсияи тоҷик таҷлил мешавад.

— 10-уми ноябр Рӯзи умумиҷаҳонии ҷавонон мебошад, ки ба ифтихори таъсиси Федератсияи умумиҷаҳонии ҷавонони демократ (WFDY) — маркази ҳаракати байналмилалии демократии ҷавонон, ки ҷавонони тамоми ҷаҳонро бидуни фарқияти сиёсӣ, ақидаҳо, нажод, миллат ва мазҳабӣ муттаҳид мекунад, таъсис дода мешавад.

WFDY дар Шӯрои иқтисодӣ ва иҷтимоии Созмони Милали Муттаҳид мақоми машваратӣ дорад.

— Имрӯз рӯзи барпошавии милитсияи советӣ аст. Дар ин рӯз полис дар асоси қарори Комиссариати халқии корҳои дохилӣ расмиёти қонунии худро гирифт.

Милитсия то соли 1931 дар тобеияти Советҳои маҳаллӣ, баъд дар системаи Комиссариати халқӣ ва аз соли 1946 дар Вазорати корҳои дохилии иттифоқи республикавии СССР буд.

Зимнан, Тоҷикистон дар қатори Белорус, Ӯзбекистон ва Қирғизистон яке аз чаҳор кишвар аст, ки дар он мафҳуми милитсия то ҳол расман ҳифз шудааст. Ҳама кишварҳои дигари пасошӯравӣ ва собиқ лагери сотсиалистӣ дар солҳои гуногун мақомоти ҳифзи ҳуқуқи худро ба полис табдил доданд.

— 10-уми ноябр Рӯзи умумиҷаҳонии илм барои сулҳ ва рушд аст. Ҳадафи он баланд бардоштани сатҳи огоҳии ҷомеа дар бораи неъматҳои илм буда, инчунин ба ҷомеаи ҷаҳонӣ ёдрас кардани зарурати истифодаи дастовардҳои илмию техникӣ барои сулҳ ва рушд ба манфиати тамаддуни башарӣ мебошад.

— Ҳамасола 10-уми ноябр Рӯзи байналмилалии ҳисоб ҷашн гирифта мешавад. Онро мутахассисони фанҳои дақиқ ҷашн мегиранд.

Интихоби санаи ҷашн воқеаи охири асри 15 буд – 10-уми ноябри соли 1494 дар Венетсия китоби Лука Пачиоли «Ҳама чиз дар бораи арифметика, геометрия ва таносуб» нашр шуд, ки дар он муаллиф кӯшиш кард, ки донишро дар бораи математикаи он замон ҷамъбаст кунад. Дар китоб аксари давраҳои баҳисобгирии муҳосибӣ тасвир шудааст, ки имрӯз маълум аст.

Лука Пачиолиро «падари муҳосибӣ» меноманд, гарчанде ӯ на ихтироъкор ва на таҳиякунандаи системаи ҳисобдорӣ буд. Ӯ танҳо усулҳоеро тавсиф кард, ки тоҷирони Венетсия дар кори худ дар давраи Эҳёи Италия истифода мекарданд.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.