Трамп ва Ким дар Ветнам
Президенти Амрико Доналд Трамп 25-уми феврал ба Ветнам сафар кард. Қарор аст, дар онҷо мулоқоти навбатии ӯ бо раҳбари Куриёи Шимолӣ Ким Чен Ин баргузор шавад.
Раҳбарони ду кишвар рӯзҳои 27 ва 28-уми феврал дар Ҳаной вохӯрда, барномаи ҳастаии Пхенянро баррасӣ хоҳанд кард. Интизор меравад, ҷонибҳо қатъи расмии ҷанги Куриёро низ ба баҳс бикашанд, ки бо имзои созишномаи оташбаси Пханмунҷом дар рӯзи 27-уми июли соли 1953 ба поён расида буд.»Куриёи Шимолӣ пас аз халъи комили силоҳи ҳастаӣ аз назари иқтисодӣ хеле зуд рушд хоҳад кард. Бидуни халъ, тавре ки ҳаст, мемонад. Ким тасмими дуруст мегирад», — навишт Трамп дар Твиттер пеш аз сафараш ба Ветнам.Президенти Амрико рӯзи 25-уми феврал ҳангоми суханронияш дар Кохи Сафед гуфта буд, ки ӯро дар пеш «саммити бошукуҳ» мунтазир аст. Котиби давлатии ИМА Майк Помпео низ 24-уми феврал дар суҳбат бо телевизиони Fox изҳори умед кард, ки ҷонибҳо дар саммит ба «пешрафти муҳим»-е ноил хоҳанд шуд».»Эҳтимол аст, ин ҳосил нашавад, вале умед дорам, ки хоҳад шуд», — афзуд ӯ.Ким Чен Ин бо қатораи зиреҳпӯши худ озими Ветнам шуда, интизор меравад, субҳи 26-уми феврал вориди Ҳаной шавад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ