10 омӯзгори хориҷӣ аз ДДЗТ рафтанд

Имрӯз нишасти матбуотии Донишкадаи забонҳо Тоҷикистон ба номи Сотим Улуғзода баргузор гардид, ки дар он ректори донишкада Жило Гулназарзода ва дигар масъулин доир ба бурду бохти соли 2020 ба намояндагони ВАО маълумот доданд.

Дар нишаст аз ҷониби рӯзноманигорон ва роҳбарияти донишкада масъалаҳои мубрам баррасӣ шуданд. Аз ҷумла, дар мавриди хатми донишкада ва то кадом андоза ба кор таъмин шудани хатмкунандагони муассисаи олии касбӣ ректор чунин гуфт:

«Зимни ба ҷои кор ҳоpиршавии мутахассисони ҷавон маълум гардид, ки аз 147 нафар мутахассиси ҷавон 5 нафар дар рухсатии нигоҳубини кӯдак қарор дошта, 5 нафар барои идомаи таҳсил ба зинаи магистратура дохил гардиданд».

Боиси тазаккур аст, ки дар нишасти мазкур масъалаи омӯзгорони хориҷӣ низ баррасӣ шуд.

Дар нишаст гуфта шуд:

«Дар давоми соли 2020 дар донишкада 13 нафар шаҳрвандони хориҷӣ фаъолият намуданд, вале бинобар сабаби ба анҷом расидани мӯҳлати қарордодҳои дуҷониба ва авҷи бемории коронавирус 10 нафар омӯзгорони соҳибзабон ба ватани худ баргашта, айни ҳол 3 нафари онҳо дар донишкада фаъолият доранд».

Чун муассисаи таълимӣ донишкадаи забонҳо аст ва макони омода кардани кадрҳои забондон ба ҳисоб меравад боис ба ёдоварист, ки ҳоло он бо зиёда аз 50 муассисаи таҳсилоти олии касбии кишварҳои хориҷӣ созишномаи ҳамкорӣ дорад ва сафарбар намудани донишҷӯёнро ба хориҷи кишвар яке аз самтҳои фаъолияти худ медонад.

Гуфта мешавад, ки айни замон 7 нафар, аз ҷумла, 2 нафар дар Донишгоҳи забонҳои Токиои Ҷопон ва 5 нафар дар Донишгоҳи Кемёги Куриёи Ҷанубӣ таҳсил намуда истодаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube