Кушта шудани 5 полиси афғон аз ҷониби Толибон

Ҷангҷӯёни Толиб рӯзи 18-уми июн бо ҳамла ба як қароргоҳи пулис дар шарқи Афғонистон камаш 5 маъмури пулисро куштанд. Сардор Валӣ Табассум, сухангӯи пулиси вилояти Пактиё гуфт, ду маргталаб мошинҳои бомбгузоришудаашонро ба қароргоҳи пулис равона кардаанд ва сипас чанд ҷангҷӯ ба идора ворид шудаанд.

Яке аз ҷангҷӯён камарбанди таркандаашро дар дохили идораи пулис мунфаҷир кардааст ва ду нафари дигарро маъмурони пулис куштаанд. Ба гуфтаи як табиб аз шифохонае дар наздикии маҳалли ҳодиса даҳҳо ғайринизомии маҷрӯҳро барои муолиҷа ба ин шифохона овардаанд.

Вазорати умури дохилии Афғонистон ҳамла ба шаҳри Гардезро таъйид кард ва Забеҳуллоҳ Муҷоҳид, сухангӯи Толибон бо ирсоли баёнияе ба матбуот гуфт, ки ҳамла кори дасти ин гурӯҳ будааст.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *